ఆంధ్రభారతి - కావ్యములు - పారిజాతాపహరణము

దేవమాత యదితిని శ్రీకృష్ణుఁడు దర్శించుట
సీ.	తొడలపైఁ జాఁచిన యడూగుఁ గెందామర - లొయ్యనఁ బౌలోమి యెత్తుచుండఁ, బార్శ్వభాగంబునఁ బంకేరుహాసను - కామినీరత్నంబు కతలు సెప్పఁ, బనిఁ బూని యంతంత వినయావనత వృత్తి - సప్తర్షికాంతలు సంచరింప, వీజన చామర వీటీకరండాది - కములు దిక్పతిసతీ గణము దాల్ప,
తే.	విమల చింతామణీమయ వేదిమీఁదఁ గల్పక లతాంత కల్పిత తల్పసీమ నధివసించిన నిఖిల లోకైకవంద్య నమర మౌక్తిక శుక్తి నయ్యదితిఁ గనియె.	24
మ.	కని సత్యారమణీ యుతంబుగ నమస్కారంబు గావించి భౌ మ నిశా టాహృత కుండలద్వయము నాత్మ స్వర్ణచేలాగ్ర బం ధనము న్వీడ్చి యొసంగ నందుకొని మోదంబంది యా నందనం దను దీవించుచుఁ జెంగట న్నిలిపెఁ జింతారత్న పీఠంబున\న్‌.	25