మంగళం శుభమంగళం ॥మంగళం॥

సంగీతలోలునికి శృంగారశేఖరునికి నంగజాతకోటిరుచిరాంగునికి రామునికి ॥మంగళం॥

సీతాసమేతునికి శ్రీపతికి భరతజాతాధరునికి జయమంగళం॥
సా|కౌతూహల సుమిత్రాతనయునికి ఖ్యాతి విక్రమాంజనీజాత శ్రీరామునికి ॥మంగళం॥

కౌసల్య కొమారునికి కైకేయీవరదునికి క్ష్మాసురావనునికిని జయమంగళం ॥
శ్రీ|కోసలనగరిస్వామి కోరికల పెన్నిధికి శ్రీసతాభ్యుదయునికి శ్రీనివాసమూర్తికి ॥మంగళం॥

శ్రీధరునికి విజిత విరాధునికి భక్తజనసాధారణునికి జయమంగళం ॥
మూ|లాధారాదిషట్కమలాగ్ర సహస్రార దివ్యబోధానంద ఘనపూర్ణజ్యోతికి ॥మంగళం॥

హరికి భవనీరధితరికి ఖరదూషణారికి శరణానతశబరికి జయమంగళం ॥
క్రూ|రహిరణ్యాక్ష శిరోదగ్రకిరికి హిరణ్యకశిపుసంహార నరకేసరికి ॥మంగళం॥

భానుసూను రాజ్యసంధాననిపుణునికి విజ్ఞాన (మనో)గమ్యునికి జయమంగళం ॥
స|న్మానార్హునికి సింధుమానాపహారికి నసమానగానప్రవీణుఁడైన శ్రీరఘుపతికి ॥మంగళం॥

పక్షివాహనునికి నక్షయునికి సరసిజాక్షుని కధోక్షజునికి జయమంగళం ॥
అస్త్ర|శిక్షిత మారీచ మకరాక్ష కుంభకర్ణాది రక్షోవీరునికి రాజపరమేశ్వరునికి ॥మంగళం॥

రావణాంతకునికి దేవదేవుని జనకజా విమోదకృతికి జయమంగళం ॥
పరమ|పావనునికి విభీషణావనునికి భూమిదేవి సౌఖ్యవర్ధిష్ణునికీ విష్ణునికి ॥మంగళం॥

శ్రీకాళహస్తినగరీ శంభుమిత్రునికి సౌకర్యశాలికి జయమంగళం ॥
సు|శ్రీకకుత్‌స్థాన్వయ సింహాసనస్థునికి వివేకకార్య శేషగిరి వేంకటసుబ్రహ్మణ్యునికి ॥మంగళం॥